البنات والموضة والجواز

لبنات والموضة والجواز

معظم البنات طبعا اليومين دول يبقوا ماشيين فى الشارع على سنجة عشرة
البدى الكرينة والبنطلون الجينز والمكياج الاوفروالايلينزاللى بتتغير مع لون البدى او البلوزة
ده غير الجيب ذات الاشكال المتنوعة
واللى طبعا ساعات بتكون (مينى واحيانا ميكرو)مع البووت او الهاف بووت

لو سألت هم ليه بيعملوا كده وازاى اهلهم يسيبوهم كده هتلاقى ان

سبب رئيسى هو الزواج ( سيبها يااخويا عشان تشوف ابن الحلال اللى هيتجوزها )(يلا يابنتى عشان تخدى نصيبك)(سبيها يا أم سعاد تلبس وتظبط نفسهاعشان متقعدش جنبك عشان تفرحى بيها يا اختى فى بيت العدل )

فالبنت تبقى ماشية وبتقول لكل الولاد "انا أهوه يا بنى أنا اهوه يا أعمى "والتانية "لا بص انا اهوه انا اجمل "
والتالتة "لا انا حطه مكياج اكتر ولبسه لبس اكتر فجورا حتى بص " والرابعة والخامسة وهكذا........

طيب ماتيجى يا أختى نفكر شوية فى الموضوع ده


أولا:انتى تفتكرى انك هتتجوزى حد غير اللى ربنا كاتبهولك

"لا طبعا بس انت عارف مشكلة العنوسة وكترة البنات وضغط البيت لازم اوريهم نفسى "

طيب مش ممكن توريهم نفسك ومتجوزيش ومش ممكن يكون ربنا كاتبلك انك متتجوزيش مهما تعملى

"اه ممكن طبعا بس"

طيب ومش ممكن تكون وحدة صاحبتك قاعدة فى البيت ومبتخرجش كتير وأوحش منك وتسمعى ان جالها اكتر من عريس

"اه ممكن"

"بس احنا عايشين فى عصر الموضة والتكنولوجيا والكلام بتاعك ده كان زمان"

بس يا أختى متنسيش احنا مسلمين وعايزين ندخل الجنة ولا ايه

"لا صح طبعا "

طيب يبقى نسمع كلام ربنا وهو ان شاء الله هيوفقنا للخير

"عندك حق"


ثانيا :وانتى ماشية ومتمكيجة ومظبطة نفسك مين اللى بيبصلك

"قصدك ايه"

يعنى تفتكرى ان في حد محترم هيبصلك

"خلى بالك من كلامك انت كده قصدك انى مش محترمة"

لا طبعا بس مين بيبصلك طبعا كل اللى فى الشارع

"اه بس "

طيب هو كلهم محترمين ولا

"لا طبعا فيه وفى "

طيب لو كل واحد بصلك ختى سيئة تفتكرى هتخدى كام سيئة فى اليوم وكام فى الشهر وكام فى السنة

"انت عايز ايه ؟امال هتجوز ازاى"

انتى مش معايا ان الجواز ده رزق

"اه"

وان الله يرزق من يشاء بغير حساب

"اه بس"

من غير بس ثم ان اللى هيتجوزك ده هيتجوزك ليه علشان جمالك طبعا

"هو ده اللى انا عايزة اقوله لازم اوريلوا جمالى "

طيب ماهو لما جمالك يروح هيبهدلك أولما يشوف وحدة اجمل منك هيسيبك ويروحلها

"تفتكر"

انتى ايه رايك ؟

"عندك حق"

طيب يبقى هتعملى ايه

"هقلل من المكياج والخروج وهلبس لبس عادى مش ضيق قوى "

يعنى لسه برده

"انت عايز ايه تانى "

عايزك تبقى مسلمة

"قصدك ايه"

انتى سمعتى الاية اللى بتقول " يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاء الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ذَلِكَ أَدْنَى أَن يُعْرَفْنَ فَلَا يُؤْذَيْنَ وَكَانَ اللَّهُ غَفُوراً رَّحِيماً }الأحزاب59

"خلاص هلبس الحجاب الشرعى "

لو انتى مش حبها بلاش

"مش مسألة مش حبها بس مش لازم اقفل خالص كده "

طيب انتى سمعتى الحديث ده قال رسول الله صلى الله عليه وسلم (صنفان من اهل النار لم أرهما. قوم معهم سياط كأذناب البقر يضربون بها الناس ,ونساء كاسيات عاريات مميلات مائلات ,رؤوسهن كأسنمة البخت المائلة لا يدخلن الجنة ولا يجدن ريحها)

"يا نهار ابيض خلاص يا عم "

ايه قرارك ؟

"الحجاب طبعا الجنة طبعا ومش مهم الجواز والعريس"

طيب وانتى( أيوة أنتى ) وانتى كمان يلى عاملة تضحكى من الصبح
خلاص براحتكوا انتوا حرين بس اعرفوا بعد عمر طويل او قصير مفيش غير اختيارين (يا جنة يا نار )

يلا شوفى انتى عايزة ايه وبعدين قررى

الجنه طبعا يا رشااااااااا والموضوع جاااااااااااااااااااااامد مووووووووووووووت بجد جميل

شكرا يا شروق
بس يارب تكوني استفدتي حاجة
ههههههههههههههههههههههههههه
ههههههههههه
ههههههههههههههههههه

طيب وانتى( أيوة أنتى ) وانتى كمان يلى عاملة تضحكى من الصبح
خلاص براحتكوا انتوا حرين بس اعرفوا بعد عمر طويل او قصير مفيش غير اختيارين (يا جنة يا نار

no comment

انتي بتكلميني انا يا رشا ولا .................. ها اسيح

لا يا شوشو مش انتي

هههههههههههه

ايوة كدة اتعدلي ههههههههه