امتى تفضل تحايل اللى قدامك حتى لو شايف انك مش غلطان
هتقول خلاص انا مالى انا مش عملت حاجة؟
والا هتقول لا دة انسان يستاهل شوية تنازل عن المبدا وحقة عليك انك تشوفة وتحايلة مرة واتنين وتلاتة يمكن يكون فعلا محتاج يحس اانك مصر علية
امتى تتاسف وتقول سورى ؟امتى تبقى قوى او حتى ضعيف
لما تكون غلطان واجبارى عليك انت تقولها تحملا لغلطتك؟
والا لما تكون مش غلطان وهتتاسف عشان بس تراضى اللى قدامك وانك مش حابب يكون بينكم زعل تقوم تتنازل وتتاسف وخلاص لانك واثق ان اللى قدامك هيفهم ضعفك ومش هيجى عليك وهيقبل اسفك ويعتبرة شئ غالى مش هيعتبرة اهانة ليك؟
انا شوية محتارة فى الامور دى
اوقات بنخسر ناس بسبب كدة
واوقات بيكون كبريائنا فوق اى شئ
لو حد قريب منك زعلان وانت مش عارف السبب او زعلان لسبب انت شايفة عادى مش يستاهل الزعل
حقة بيكون عليا اية ؟
عشان كدة جيت باسئلتى
اية سياسة الاسف؟
وواصلة لغاية فين؟
حدودها اية ؟
سياسة المحايلة كمان
هل هى مجرد دلع من شخص على التانى
هل هى مجرد احساس من الشخص التانى بان خلى حد يتحايل علية
والا هى مركب كل شوية واحد بيتنازل عشان تمشى وعشان العند مش يسودها؟
التنازل بيكون لغاية فين يا جماعة ؟