بتعرف تتعامل مع اصحابك ؟؟

بسم الله الرحمن الرحيم

الحقيقه يا جماعه انا مش عارف ان كان الموضوع ده موجود ولا لا
انا قريته في مجلة كلمتنا وعجبني قلت اكتبهولكم ويارب يفيدكم
عامة هو اختبار بيوضح هل احنا بنعرف نتعامل مع اصحابنا صح ولا لا
اهم حاجه بس الاجابات تكون صريحه طبعا

يالا بينا

الاسئله

1-معنديش اي مشاكل اني اعترف بأخطائي او سوء تصرفاتي
2-بحس اني طائش نوعا ما,ومابعرفش اتعامل مع الحياه بجديه
3-بتنرفز بسرعه من الناس اللي بترغي كتير
4-انا ناجح في اني اتخلص من الناس الزنانه اللي بتتعبني
5-بشوف اصحابي مسليين بدرجه اكبر واكتر من حقيقتهم
6-عندي ارقام تليفونات عدد من الاشخاص اتصل بهم عندما اكون مكتئبا او منخفض المعنويات
7-حضور الحفلات الكبيره والصاخبه مش من هواياتي
8-بحس ان كل انسان جواه حاجه حلوه
9-مبرتحش مع المتعصبين لافكارهم
10-بحب الحاجات اللي بتلفت انتباه الناس
11-قد اخاطر بحياتي لمساعدة صديق لكن لا اهتم ان اقدم المساعدات البسيطه لاناس لا اهتم بهم
12-في القضايا المهمه أؤمن بضرورة ان الواحد لازم يكون صادقا ,حتي لو كان ذلك مؤذيا
13-اكره الناس المتملقين والمخادعين
14-في بعض الاحيان الاطف اشخاص ممكن اكون مبحبهمش
15-في بعض الاحيان بقفل موبايلي عشان اتمتع بعزله جميله
16-لما بيكون عندي ثقه في نفسي محدش بيقدر يحبطني
17-لما بفتكر الماضي,بلاقي حياتي كانت مسليه حتي في المراحل السيئه منها
18-مبعرفش اقول نكت لاصحابي
19-غالبا ما اواجه متاعب في اختيار الهديه المناسبه لشخص ما
20-حين اضطر ان اقول (لا),اقول (لا) بشكل دبلوماسي

العلامات
كل واحد يدي نفسه 5 علامات علي كل من الاجابات الاتيه:
1-خطأ 2-صح 3-خطأ 4-صح 5-صح
6-خطأ 7-خطأ 8-صح 9-خطأ 10-صح
11-خطأ 12-خطأ 13-خطأ 14-صح
15-صح 16-خطأ 17-صح
18-خطأ 19-خطأ 20-صح

النتيجه
اقل من 35 نقطه:
انت بتميل للناس اللي تستحق صداقتك وتشعر بأن الود الاجتماعي العشوائي مضيعه للوقت , ولا تهتم ان تكون شعبيا تفضل احترام الناس بدل حبهم لك
تتمسك بالمبادئ القويه والثابته,ليس من السهل كسب صداقتك او تقديرك لكن الشخص الذي يفعل ذلك يحظي بأخلاصك

من 35الي 65 نقطه:
انت بتحسن التعامل مع الناس لكنك بتميز بينهم..خلال استخدامك لمهاراتك الاجتماعيه انت مسل ومتفهم مع اللذين تحبهم لكنك مع ذلك تفضل ان تبقي علي مسافه عاطفيه مع الاشخاص اللذين لا يطابقون مزاجك ,ولا تقضي وقتا سهلا مع الشخصيات العدوانيه او اللامباليه

اكثر من 65 نقطه:
انت تحسن انتقاء الكلمات المناسبه والتصرف اللائق لاسعاد الناس فأنت صاحب قلب كبير ونفس كبيره وتريد الخير للناس ويفيض قلبك بالتسامح مع اخطائهم .وتود اسعادهم حتي ولو كانوا لا يستحقون ذلك .
لذلك فأن غالبية الناس ستجد صعوبه في معاملتك

يالا يا جماعه..عاوزين نعرف كل واحد عرف نفسه ولا لا

» الرجالة بردو بتعرف تحرق الدم