انا محجبة ليه؟

بعد إيماني بأمر ربنا إن الحجاب فرض على كل مسلمة- علشان الأسباب التالية


*******

1 -

علشان انا حرة.. مش من حق حد يشوف مني اللي مش عاوزاه يشوفه إلا بإرادتي..
*******

2 -

علشان أنا غالية.. مينفعش أقلل من قيمة نفسي واخليها عرضة لكل العيونو لكل من هب ودب يسرق مني ولو نظرة لأي جزء مش متغطي مني..

*******

3 -

علش...ان أنا باحترم نفسي.. وشايفة نفسي كبيرة قدام نفسي.. ومينفعش أنزل سوق المنافسة في الأنوثة علشان أفوز في الآخر بنظرة شهوانية أو كلمة غزل رخيصة أو عرض صحوبية

*******

4 -

علشان انا جمالي مش خارجي وبس.. ومن حقي ان اللي ييجي يتجوزني.. واللي حاديله الباقي من عمري... واللي حديله كل مشاعري.. واللي حاقاسمه أحلامي وأفكاري.. واللي حخلف منه ولادي.. وح اربيهم معاه.. مايختارنيش على مقاييس شكلية وبس.. أو تبقى هي دي العامل الأساسي في أختياره ليا.. الأهم انه يحب روحي ويعجب بشخصيتي.. ويرتاح معايا نفسياً..


*******

5 -

علشان أنا باخاف على أخويا في الله اللي بيشوفني في الشغل أو في الكلية أو في المواصلات أو في الشارع.. ويمكن يكون عاوز يقرب من ربنا.. وبيجاهد نفسه علشان يغض بصره.. فمرضاش لنفسي اني اكون سبب في اني افتنه

*******

6 -
علشان أنا باشيل هم أخويا في الله اللي نفسه يتجوز ومش قادر لضعف إمكانياته المادية.. فمش ضروري يعني ازود عليه همومه.. وأخيِلُه في الرايحة والجاية

*******

7 -
ده غير حاجة مهمة كمان.. الكفن بتاع النساء... فيه حجاب.. فاللي مش ح تلبسه وهي حية بإرادتها طاعة الله.. ح تلبسه كدة كدة وهي رايحة قبرها.. وطالما ربنا بيقول اننا نتستر حتى واحنا رايحين قبورنا وخلاص انتهى التكليف.. ومحدش حيشوفنا تاني ولا حد حيطمع فينا.. يبقى مفيش معنى اننا نمشي مكشوفين لكل العيون واحنا أحياء نرزق.. يبقى الأولى اطيع ربنا بإرادتي وأقابله وهو راضي عني واخد أجري كامل.. ولاّ اني ملبسوش غير وانا جثة واقابل ربنا وهو غضبان عليا؟


*******


الأسباب اللي فوق دي.. هي اللي فهمتني ليه ربنا فرض علينا الحجاب..
مش تعسير ولا تضييق..
الحجاب فعلا عزة وكرامة..
ميعرفهاش غير اللي داق طعم الستر

ربنا يهدينا ويهدي بنات وشباب المسلمين

ياريت البنات كلها يفهموا معنى الحجاب الذى اراده الرحمنمش اللى يمشى مع الموضة بتاعت اليومين دول
لوالبنات لبسوا الحجاب صح .......مش هيبقى فيه شقاء فى الدنيا والاخرة
وبرده لو اتحجبوا صح هيبقى راحة لهم .......والراحة الكبرى لنا نحن الشباب ....علشان كدة حرام
ارحموا من فى الارض ........يرحمكم من فى السماء ......................والله المستعان.

اللهم ارزقني الحجاب الصحيح وكل البنات يارب

شكرا يا رشا
ا
انتي فين النهارده

امين يا بيتا

انا جيت اهو
ويارب يهدينا ف لبسنا