كلام اليومين دول

عشر جمل جداد الولد بيقولهم للبنت بس لما يزهق منها وينفصل عنها لما يشوف واحده احلى منها
----------------------------------------
1- حبيبتى انا ماستهلكيش
(هيييه وهوا ده حال الدنيا , الولد بيضحى علشان الدكتور قالوه هاتموت الاسبوع الى جاى فامش لازم يعذبها معاه )

2- انا بعمل كده علشانك انتى
( ايوه ماحنا عارفين باباها قالو لو ماسبتهاش هاحرمها من الميراث )

3- انا هاسيبك علشان مش عاوز اى حد يتكلم عليكى نص كلمه
( ياراجل وانت لسه فاكر دلوقتى مالبنت اتشحورت والحمد لله بسببك وخلاص الى حصل حصل)

4- انا مش عاوزك تزعلى مينى
(يارااااجل وانت لما تسبها هاتعمل فرح وتدبح عجلين يعنى ؟!لا والنبى هاتزغرد لولولولى الواد سابنى انا فرحانه )

5- انا هاهاجر ومش عارف هارجع امتى
(طب ماتخدها معاك يامعلم ولا هيا حجج وخلاص)

6- أنا مانفعش ارتبط بواحده مشيت معاها
(ياراجل ان شاء الله ربنا هايكرمك وترتبط بوحده مشيت مع نص شباب شبرا ومصر القديمه كمان )

7- انتى احسن حد عرفته فى حياتى بس مش هاينفع نكمل
( ترد هيا بقى وهيا بتعيط ئهئ ئهئ ئهئ ليه ليه ليه .. يقولها علشان خطرى انا ماستحملش دموعك ... وبرده مايقولهاش)

8- انتى اكتر حد حبيته فى حياتى بس برده زى ماقولتلك مش هاينفع نكمل
(لا تعليق)

9- حبيبتى انا اكتشفت ان مافيش مابينا حاجه متشابهه
(لأ بجد....بألو سنتين ماشى معاها وبعدين لسه مكتشف ده , الظاهر عليه كان بيكتشف مقبرة جديده فى اسوان ولا حاجه)

10- والله ياحببتى انا مش وحش وبلعب بمشاعر البنات زى مانتى فاكرة بس هوا ده نصيبنا
(لا ماهو واضح)
خدو بالكو يابنات ................. دة فعلا حب اليومين دول وفى حب بجد بس قليل جدااااااااااااا اللى يلاقى حب بجد دلوقتى!!!


يارب يعجبكوووو............!!!
ربنااااااا يستر

من الاخر يا ريكا

مفيش بعد twilight حب كله لعب عيال

مفيش ذى ادوارد وبيلا

نايس توبيك يا جميل

نايس توبك

البت مريم هاتتهبل قريب
ابعتيلي الفيلم دة
اما اشوف الواد ادوارد دة اللي هبل البنات كلها

هههههههههههه

الواد من الواضح انه بيضحى جامد

انه فاهمينه غلط

من راي ان الولاد في حبها مبتخسرش علي قد البنات ما بتخسر في اغلب الاحيان الولاد هما اللي بيتسلوا بالبنات وليس العكس

لا ياختي بقا في العكس
في بنات بتاخد اتنين عشان لو واحد سابها تخليها مع التاني
وبيكون الاستبن دة عادة من القرايب

لا يا رشا متقوليش كده دول مش بنات دول شويه عيال بيره نفسها تتجوز وخلاص