قمة الرومانسية......

"أحمد" و"مني"..ناقر ونقير !

موسيقي تصويرية شعبان عبدالرحيم انا بكره إسرائيل وبحب عمرو موسي؟

مني وأحمد واقفين في عز الضهر علي الكوبري

مني : "برومانسية" شايف النجوم يا أحمد

أحمد : نجوم ايه بس في عز الضهر دا أنا الشمس حرقت افايا

مني : الله ياأحمد بص السحابة اللي هناك دي اللي عليها العصافير

أحمد : لا والله ياحبيبتي أنا مش شايفها بس شايف دخان عربيات خنقني

مني : يووووووووووووه يا أحمد خليك رومانسي شوية


أحمد : رومانسي إيه بس وأنتي مخرجاني في عز الضهر كده أنا الشمس كلت وشي وقالت أنا شبعت

مني : انت مش بتحبني والا ايه

أحمد : ياستي بحبك

مني : لأ انت كذاب انت مش بتحبني

أحمد : يعني أولع في نفسي بجاز عشان تصدقي اني بحبك

مني : "والدموع علي خدها" لا يا أحمد أنت تغيرت خالص

أحمد : ياحبيبتي والله بحبك

مني : لأ يا أحمد متصلحش اللي أنت عملته

أحمد : وهو أنا كنت عملت إيه بس

مني : "تعيط" اهئ اهئ اهئ

أحمد : بتعيطي ليه دلوقت

مني : أحمد طلقني يا أحمد

أحمد : هو احنا لسة اتجوزنا عشان اطلقك

مني : يعني كمان مش عايز تطلقني

أحمد يشد في شعره : يادي الليلة السودا أنا ايه اللي خرجني بس

مني : كمان خليتها ليلة سودا.. يعني أنا اللي خرجتك غصب عنك

أحمد : ياستي مش قصدي. بصي أنا مش هرد عليكي عشان مانتخانقش

مني : للدرجادي قرفان مني

أحمد : "وشه يحمر من الغيظ" يعني انتي عايزة تتخانقي وخلاص

مني : يعني أنا نكدية يا أحمد

أحمد : لأ...... أنا

مني : انت بتاخدني علي اد عقلي

أحمد : حقك عليا وادي رأسك ابوسها

مني : ياسلام كده بكل بساطة

فجأة يقف أحمد علي سور الكوبري ويرمي نفسه في الميه

مني : تفتكر يا أحمد اني كده هسامحك

ههههههههههههههههههه
انا لو مكان احمد اولع فى منى دى
ايه البت الممله دى
دى كرهتنى فى البنات... مش اوى يعنى

جاااااااااااااامدة
بس العيب على احمد

عارفة لو كان محمد

كان خلاها هى اللى رمت نفسها

هههههههههههههههههههههههههههه
هههههههههههههههههههههههههههههههههه

ولو كانت مريم بدل منى مكنش ده حصل

مش العيب فى منى طبعا
العيب فى ( منى واحمد ) مينفعوش

انما ( مريم واحمد ) ماشييين تمام

هههههههههههههههههه

ايه البت البارده دي مكان يطلقها ويخلص

اكيد ف سر بينهم انه يخليه يتمسك بيها
ياترى ايه هو السر؟

هههههههههههه لما تعرفيه قوليلي ماااااااشي

انا عارفاه ومستنية الاجابة منكم
واللي هايعرف الاجابة ليه مفاجاة كبير
هاخليه يبقابل منى واحمد شخصيا ويقضي اسبوع معاهم ويشاركهم ف كل حاجة
ياكل ...يشرب... يتصور...... يخرج معاهم
ايه رايكو؟

انتي فكرك ان الجايزه انك توديهم لاحمد ومني خليه العقاب دا مني تشل

انتي فكرك ان الجايزه انك توديهم لاحمد ومني خليه العقاب دا مني تشل

خلاص عرفنا مرة
انتي كدة اللي هاتشيليني
بس اكيد الكل عاوز يشوف منى واحمد سواء يضربهم او يسلم عليهم